Jólagjöfin í ár

Sýningunni á efstu hæð bókabúðar Eymundsson (Austurstræti 18) sem fjallað var um í Kiljunni er lokið. Megnið af fyrstu prentun seldist upp og eitthvað af seinna upplagi. Nú hefur verið ákveðið að hækka verðið á þeim myndum sem eftir eru úr 25000 í 30000. Þeir sem hafa keypt eða pantað nú þegar geta því glaðst yfir hækkandi gengi mynda sinna. Næsta haust verður haldin sýning í Kaupmannahöfn í tilefni af útgáfu Bókasafns ömmu Huldar í Danmörku.

Um er að ræða nokkur vel valin myndverk úr Bókasafni ömmu Huldar. Myndirnar eru unnar með sérstakri koparþrykksprenttækni upp úr teikningum Þórarins af Jóhanni Lúðvík Torfasyni prentgaldramanni. Þær eru prentaðar í þremur merktum eintökum með einni undantekningu, en myndin af Hávari að úða gulli á hamborgara var prentuð í fjórum eintökum.

Hver mynd kostar 25.000 íslenskar krónur. Örfáar myndir eru nú óseldar í fyrsta upplagi. Listunnendur eru beðnir um að senda tölvupóst á netfangið totil@totil.com.